Goizuetako errotarri harrobi baten aitzakian ezagutu nuen Jose Javier. Artzain batekin hitz egiten ari zela, hark esan omen zion, Goizuetako mendietan bazirela errotarriak, erdiko zulo eta guzti, harri artean, ezkutuan bailiran. Bertara joan ginen arratsalde batean, eta Urumea bailarako lehenbiziko errotarri harrobia aurkitu genuen. Ordutik, uhandre piriniotar bila eta beste mila kontutan izan dugu Jose Javier bidelagun, Goizueta inguruko ondareari tiraka ibili garen bakoitzean.

Horrek guztiak, aukera eman digu, izan mendiko irteera, izan bazkari-mokadu bidez elkar gehiago ezagutzeko. Gero eta gehiago ezagutu, orduan eta argiago nuen Jose Javierren bizitza eta profesional moduan egiten zuen lana zabaldu beharra zegoela. Eta hala egin genuen, Amagoia Mujikak eta biok, eserialdi eder baten aitzakian, mahai baten inguruan. Belarriak erne jarri eta Jose Javier entzutea plazera izan zen. 

«Askotan esan izan didate nirekin hizketan aritzean gaitzen erdiak joaten zaizkiela» | erritarrak | GAUR8 - mila leiho zabalik 

--------------------------

Mujika, A. & Sanz-Azkue, I. 2025-03-15. Jose Javier Etxeberria: Askotan esan izan didate nirekin hizketan aritzean gaitzen erdiak joaten zaizkizela. Gaur8 gehigarria. Gara egunkaria. 

2022ko udazkena zen. Alberto eta biok berriketan ari ginen gaia atera zenean: naturari loturiko poesia. Ezagutzen nituen bere koadernoak; txikitatik idatzitako poesiez beterikoak. Eta egun hartan aspaldi esan nahi niona aipatu nion: "Alberto, poesia horiek ezin dira apal batean gelditu. Publikatu egin behar dituzu."

Hala hasi ginen mugitzen, eta lortu genuen, Lamiñarra argitaletxearen laguntzaz urtetan eta urtetan Albertok idatzitako poesia liburu baten bidez argitaratzea. 

Orain, natura eta literatura maite dugunok badugu liburu zoragarri bat, naturaren handitasunari baino, txikitasun horri begira idatzitakoa. Txikitasunaren handitasunari behatzearen ondorioz idatzitakoa. Elkarrizketa honetan, Albertok poesia horiei buruz hitz egin zigun eta aipamen interesgarriak utzi literaturaz, poesiaz eta naturaz. Zer pentsatua, behintzat eman beharko liguketen hainbat kontu azaleratu zituen. 

«Natura behatzen dudanean, koadernoan zenbakiak eta datuak jasotzeaz gain, beti sortzen zait poesia» | erritarrak | GAUR8 - mila leiho zabalik 

----------------------

Mujika Telleria, A. & Sanz-Azkue, I. 2023-06-03. “Natura behatzen dudanean, koadernoan zenbakiak eta datuak jasotzeaz gain, beti sortzan zait poesia.” Gaur8 gehigarria. Gara egunkaria.