Liburuak

GURE FAUNARI ETA FLORARI BEGIRA: ORNODUNAK I

EGILEAK: Eñaut Agirre Goia eta Iñaki Sanz-Azkue

Urumea bailarako 150 animalia eta landare espezie deskribatzen dituen liburua da Gure faunari eta florari begira. Natura gizartera eta gizartea naturara gerturatzeko ahalegina egin da liburu honekin. Modu erakargarrian, Euskal Herriko fauna lehen lerrora ekarri eta mendez mende haiei buruz pilatu den ezagutza transmititu nahi izan da. Euskara, ezagutza eta sinismenei buruz hitz egiteko. 

Liburua eskuragarri dago Euskal Herriko liburudendetan.

Beheran, erosi eta etxean jasotzeko bi aukera: 

MAITE BIDARTE KAZETARIAK DURANGOKO AZOKAN EGINDAKO LIBURUARI BURUZKO ELKARRIZKETAREN BIDEOA.

Eraman hitzaldia zure herrira.

Liburuaren publikazioak atzetik ekarri ditu hitzaldiak. Hala, 2022an hasi gara euskararen eta naturaren arteko loturari buruzko hitzaldiak ematen herriz herri. Zure herrira eraman nahi baduzue, ondoko irudian duzu informazioa. 

Liburuari buruzko informazio gehiagorako (klikatu hemen)

HERNANIKO ETA INGURUETAKO ANFIBIOAK ETA NARRASTIAK GIDA-LIBURUA

EGILEAK: Iñaki Sanz-Azkue eta Egoitz Alkorta Miranda

Anfibioen eta narrastien euskarazko gida bat da liburu honetan aurkituko duzuna. Modu dibulgatiboan eta irakurterrazean idatzia, zorroztasun zientifikoa galdu gabe. Aurkituko dituzu ere, argazki ederrak, maketazio erakargarria eta Ander Izagirre Egañak ateratako espezieen bideo bikainetara bideratuko zaituzten QRak ere. 

Liburu hau anfibioen eta narrastien munduan sartu nahi duen edozeini dago gomendatua. Hernanikoa izan arren, Bizkaia, Gipuzkoa, Nafarroa iparraldea eta Lapurdi, Behe Nafarro eta Zuberoako espezie gehienak agertzen dira bertan. 

Bigarren edizioa publikatu da jada. 

BASOKO BEGIAK

ILUSTRATZAILEA: Ainara Azpiazu "Axpi"

IPUINAREN EGILEA: Iñaki Sanz-Azkue

Entzun ipuina Karolina Sainz de Bikuñaren ahotsean:

Mieltxok metak egitea du gustuko. Meta handiak egin, eta bitartean, aitonaren istorio ederrak entzutea maite du. Izan ere, aitonaren kontakizunek mundu magiko batera eramaten dute etxeko txikia: basajaunen eta basoko begi handien mundura. Kondairen eta errealitatearen muga lausoan mugitzen den ipuin honek Mieltxoren bizipenetan murgilduko du irakurlea. Udazken koloreko istorio goxo eta misteriotsuan.    

Basoko begiak liburuari buruzko informazio gehiago

JAIZKIBELGO LANDAREAK: TALAIA BIDEA JARRAITUZ.

EGILEAK: Anaïs Mitxelena eta Iñaki Sanz-Azkue

JAIZKIBELGO LANDAREAK LIBURUXKA

Jaizkibelgo landareak ezagutzera emateko asmoz, liburuxka publikatu genuen Botanika Saileko Anaïs Mitxelenak eta biok. Hondarribiko Udalak bultzatuta eta Eusko Jaurlaritzak eta Eskualde Garapenerako Europar Funtsak lagunduta. Jaizkibelgo Talaia bideko landareen gida txikia da irudikoa. 

Bertan 30 landare espezie sartu ditugu. Hasi endemikoekin, segi arruntekin eta mehatxatuetaraino. Kolore, forma eta tamaina dibertsitatea aurkituko duzu. Raúl eta Oscar Domínguez anaien ilustrazio zoragarriekin eta Asier Erkiziaren maketazioarekin. Landare horiek... 

Haien bizitokian kokatuta agertzen dira. Loraketa, tamaina, jatorria... moduko informazioarekin. Bukaeran, behaketa-zerrenda bat ere badu, behin topatuta, ikusitakoa apunte modura hartzeko. Mimoz eta ilusioz egindako liburuxka izan da, mendi bidean ere begia zorrozteko! 

Liburuxka deskargatzeko, hemen duzue esteka zuzena: