Maximo Sagarzazu Ugarte hondarribiarrak utzitako ondarea ikaragarria da. Ezkutuan egon da urtetan, sagarzazutarrenean, baina sendiak publiko egitea erabaki du. Maximok, bera txikia zeneko Hondarribia marraztu du 17 mapatan. 17 mapa erraldoietan, eskuz. Bertan, ordea, ez dira agertzen plano ohikoetan ateratzen diren ohiko elementuak. Maximok herriko baserriak, bideak, kaleak, gobara-iturriak, putzuak, animaliak eta landareak, leku-izenak, besteak beste, marraztu zituen bertan. Hori gutxi ez eta beste hainbeste koaderno idatzi zituen, mapetan agertzen diren toponimoez eta elementuez hizketan. 

Ondare guzti hori gizarteratzeko asmoz, 2025eko martxoan hitzaldi bat eta erakusketa bat egin ziren Hondarribian. Hondarribiko Kultur Etxea leporaino bete zen hitzaldia entzuteko. Erakusketa, urtetan izan den bisitatuena izan da. 

Merezi zuela eta, bideoan gelditu da guztia grabatua. Hemen duzue, gozatu nahi baduzue. 

Biodibertsitate galerari buruzko erreportajea publikatu ostean, eta Gure faunari eta florari begira liburua aitzaki moduan hartuta, Biba Zuek programan izan nintzen Aranzadi Zientzia Elkartearen izenean. Hemen egin zidaten elkarrizketa. 

Aurretik ere egina genuen BiodiBERTSOA, baina sekula ez Hernaniko kaxkoan barrena. Eñaut Aiartzaguenak egindako ilustrazio eta kartel zoragarriei segika, Urumea bailarako fauna ezagutzeko ibilbide gidatua egin genuen 2024ko maiatzean, biodibertsitatearen astearen aitzakian. Neroni, ilustrazioetan agertzen ziren animaliei buruzko azalpenak ematen. Maialen eta Unai, horiei tiraka, bertsotan. Ekitaldi guztia grabatu egin zen eta ikusgai dago ondoko bideoan. Ea gustuko duzuen! 

Uhandre piriniotarra (Calotriton asper) espezieari buruz egiten ari garen ikerketa oinarritzat hartuz, Teknopolis saioan erreportaje eder hau egin digute. Biodibertsitatea bezalako kontzeptu konplexuak ikasleei azaltzeko bideo ederra izan daiteke hemengoa, Elhuyarreko lagunek irudi bizi, argigarri eta dibulgatiboekin osatu baitute erreportajea, eta bertako espezie baten kasu konkretuarekin lotu. 

Gaztelerazko bertsioa ere aurkituko duzue interneten bilatuz gero. 

Hizlariak: Josu Narbarte eta Iñaki Sanz-Azkue (Aranzadi Zientzia Elkartea).

Koldo Mitxelena Kulturuneak eta Miguel de Aranburu Gipuzkoako historialarien elkarteak antolatuta, "Gipuzkoako historiaren pasarte ezezagunak" zikloaren testuinguruan. 

Hizlariak: Arturo Elosegi (EHU) & Iñaki Sanz-Azkue (Aranzadi Z.E.)

Hernaniko Udalak eskatuta, 2020ko abenduaren 1ean Hernaniko Biteri Kultur Etxean emandako hitzaldia duzue ikusgai aldameneko estekan.